சமூக முதன்மை பேரிடர் மீட்பாளர்கள்

பேரிடர் காலங்களில் ஏற்படும் பேரிடர்களை அப்பகுதிகளில் வசித்து வரும் சமூக தன்னார்வலர்கள் தாங்களாகவே அப்பேரிடர்களை பொறுப்புடன் கையாளக்கூடிய மீட்பு பணிகளுக்கான திறமை மற்றும் திறன்களை அவர்கள் குடியிருக்கும் பகுதிகளில் வளர்ப்பதே அரசின் முன்னுரிமைகளில் முதன்மையானதாகும். இதனால் பேரிடர்களை தாங்களாகவே பொறுப்புடன் கையாள சமூகத்தை ஆயத்தப்படுத்த வேண்டும். இந்த அணுகுமுறை உள்ளூர் சமூகத்திற்கு அவர்களின் அனுபவங்களின் அடிப்படையில் அவர்களின் தயார்நிலையை மதிப்பிடுவதற்கான வாய்ப்பை வழங்குகிறது மற்றும் இது அவர்களின் பேரிடர் குறைப்பு திட்டத்தை தயாரிப்பதில் ஒரு பகுதியாகும். இந்நிலையில், 14 கடலோர மாவட்டங்களில் மற்றும் நீலகிரி மாவட்டங்களில், சமூகப் பேரிடர் மீட்பு படைகளை உருவாக்குவதற்கான பயிற்சி அளிப்பதற்கு, ஒவ்வொரு குடும்பங்களிலிருந்தும் குறைந்த பட்சம் இரண்டு முதன்மை மீட்பு பணியாளர்கள் தெரிவு செய்யும் பணி தொடங்கப்பட்டுள்ளது. அவ்வாறு, தெரிவுசெய்யப்படும் ஒவ்வொரு தனிநபர்களின் ஆர்வ நிலை மற்றும் திறன்களின் அடிப்படையில், அத்தன்னார்வ தொண்டர்களுக்கு தேடல் மற்றும் மீட்பு பயிற்சிகள், குழந்தைகள், பெண்கள், மாற்றுத்திறனாளிகள் மற்றும் வயதானவர்களுக்கு முதலுதவி வழங்கும் பயிற்சிகள், தங்குமிடம் நிறுவகித்தல் பயிற்சி, சமூக சமையலறைகளை ஒழுங்கமைத்தல், மின்சாரம் மற்றும் குழாய்கள் வழங்கும் சேவைகள், மரம் வெட்டுதல், சமூக உளவியல் ஆதரவு கருத்துக்கள் வழங்குதல் ஆகிய பயிற்சிகளை பெறுவார்கள். அரசு, மாநில முழுவதிலும் உள்ள சமூகத்தின் பேரிடர் கால முதன்மை மீட்பாளர்களுடைய திறன்களை தொடர்ந்து வளர்க்கும் எனவும் அதனால் அந்தந்த குடியிருப்பு அளவில் உள்ள சமூக முதன்மை மீட்பாளர்கள் அவர்களுடைய சமூகத்திற்கு தேவையான பேரிடர் கால அவசர உதவிகளையும், மீட்பு படைகள் மற்றும் நிர்வகிக்கும் திறனை கொண்டிருப்பார்கள்.